Hamara Pehla Saal: Urban Anaj Ki Shuruaat

Jab humne Urban Anaj shuru kiya tha, hamare paas sirf ek vichar tha — kisan ko sahi daam aur customer ko shudh anaj. Na koi bada investment tha, na koi bada team.

Pehle mahine mein humne sirf 2 products ke saath shuruaat ki — Moong Dal aur Gehu Atta. Hamara focus quality par tha, quantity par nahi.

Dheere-dheere logon ka vishwas badha. Jab unhone hamari dal aur atta ki quality dekhi, to khud hi doosron ko batana shuru kiya. Aaj hum 6 products ke saath aage badh rahe hain, aur 3 kisan parivaron ke saath kaam kar rahe hain.

Ye sirf shuruaat hai. Hamara sapna hai ki Urban Anaj ek din hazaron kisano ko seedhe customers se jode, bina kisi middleman ke.